Pulizija fi Munich, Il-Ġermanja jirrappurtaw li mill-inqas persuna waħda nqatlet, u diversi persuni sfaw feruti meta żewġ ferroviji S-Bahn ħabtu qrib l-istazzjon Ebenhausen-Schäftlarn, madwar 6 mili fin-nofsinhar taċ-ċentru tal-belt ta’ Munich illum.
Il-ħabta seħħet għall-ħabta tal-4.40pm ħin lokali fuq linja ferrovjarja single track.
Fi stqarrija dwar l-inċident, il-Pulizija ta’ Munich ħabbret li s-servizzi ta’ emerġenza kienu fuq il-post, u r-rotta ngħalqet għal kollox.
Uħud mill-midruba ġarrbu ġrieħi gravi, filwaqt li sewwieq wieħed tal-ferrovija jinsab maqbud fuq il-post.
Mhux ċar x’ikkawża l-ħabta.
Il-kumpanija li topera s-servizz tal-ivvjaġġar S-Bahn qalet li twaqqfu servizzi ta’ xarabank sostituti waqt li r-rotta tkun magħluqa.
Skont rapport tax-xhieda, waħda mill-ferroviji kienet waqfet fuq il-binarju eżatt qabel l-inċident. Passiġġier ta’ 19-il sena qal li l-ħabta seħħet ftit wara li ferrovija waħda telqet mill-istazzjon ta’ Ebenhausen. Żied jgħid li kull min kien abbord intefa’ minn fuq is-siġġijiet tiegħu mill-ħabta. Diversi passiġġieri kienu rrappurtati għadhom taħt xokk.
Xhud ieħor bil-qiegħda fil-karozza ta’ wara ta’ ferrovija waħda kkonferma li kien hemm daqqa vjolenti meta ħabat, bid-duħħan ġiegħel lill-passiġġieri jitilqu mill-kompartiment. Qalet li l-ferrovija li kienet sejra għaċ-ċentru Munich kien ħabat rasu mal-ferrovija lejn Wolfratshausen. Intqal li l-kabini tas-sewwieq kienu wedged flimkien.