Sitt persuni ndarbu u 1000 turist evakwati wara splużjoni ta’ gass f’lukanda lussuża fil-Gżejjer Kanarji Spanjoli.
Erbgħa mill-midruba kienu f’qagħda kritika, skont is-servizzi tal-emerġenza.
L-isplużjoni seħħet kmieni filgħaxija fil-lukanda Cordial f’Mogan, fl-arċipelagu Spanjol ‘il barra mill-kosta tal-Majjistral tal-Afrika, hekk kif trakk tanker kien qed iwassal il-gass.
“Wara l-isplużjoni, parti mis-saqaf tal-ispa tal-lukanda waqa’,” qalu s-servizzi ta’ emerġenza tal-Kanarji.
Turista Norveġiża ta’ 55 sena sofriet ħruq f’“100 fil-mija ta’ ġisimha” u ttieħdet b’ħelikopter fi sptar, qalet stqarrija tas-servizzi.
Tlieta oħra ttieħdu wkoll l-isptar filwaqt li 17-il persuna ngħataw kura għal attakki ta’ paniku.
L-1000 mistieden tal-lukanda evakwati tħallew lura fil-lukanda prinċipali, li ma saritx ħsara, qalet Gema Suarez, kelliem għas-Sindku lokali.
Mogan hija belt turistika ta' madwar 20,000 resident li tinsab fil-Lbiċ ta' Gran Canaria.